Прафарыентацыйнае мерапрыемства для будучых абітурыентаў філалагічнага факультэта

На факультэце было арганізавана прафарыентацыйнае мерапрыемства для будучых абітурыентаў філалагічнага факультэта. Удзельнікам быў прапанаваны ўдзел у квізе, які складаўся з некалькіх тураў. У першым туры навучэнцы вызначалі свае веды адносна біяграфіі і дзейнасці Францыска Скарыны. У другім туры трэба было выбіраць пытанні пэўнай складанасці, пытанні датычыліся беларускай мовы. У трэцім туры навучэнцы гулялі ў “Зразумей мяне”: удзельнікам трэба паказаць і адгадаць слова. У чацвёртым туры ўдзельнікі адправіліся ў віртуальную краму, дзе трэба было не толькі набыць пакупкі па спісу, але і праверыць веданне аднаго з самых складаных правілаў беларускай мовы – канчаткі назоўнікаў роднага склона другога скланення. У фінале самыя актыўныя ўдзельнікі былі ўзнагароджаны прызамі.